UVCCM
Tafadhali subiri...
+255 655248822 info@uvccm.or.tz
Makao Makuu, Dodoma
UMOJA WA VIJANA WA CCM (UVCCM)

Jessica Mshama atoa pongezi kwa Viongozi wa Vijana Walioshiriki Katika Kikao Kazi cha UVCCM Mkoa wa Dodoma

07 Dec, 2025 18 Machapisho
Jessica Mshama atoa pongezi kwa Viongozi wa Vijana Walioshiriki Katika Kikao Kazi cha UVCCM Mkoa wa Dodoma
DODOMA, TANZANIA — Idara ya Uhamasishaji na Chipukizi ya Umoja wa Vijana wa Chama Cha Mapinduzi (UVCCM) imetoa shukrani na pongezi za kipekee kwa viongozi wote wa vijana waliohudhuria kikao kazi cha Umoja wa Vijana kilichofanyika jijini Dodoma tarehe 7 Desemba 2025  ambapo washiriki walijadiliana juu ya mustakabali wa vijana, amani ya nchi na maendeleo ya taifa.

Akitoa kauli hiyo kwa niaba ya idara, Katibu wa Uhamasishaji na Chipukizi UVCCM, Ndugu Jessica Mshama, alisema kuwa mwitikio mkubwa wa viongozi wa vijana kutoka ngazi ya Taifa, Makatibu wa Vijana, Makatibu wa Hamasa, pamoja na viongozi wa Seneti, umeonyesha kwa mara nyingine dhamira njema ya kulinda na kuendeleza misingi ya umoja, uzalendo, amani na maendeleo nchini.

 “Ushiriki wenu umetudhihirishia kwamba tunabeba dhamana ya vijana wa Taifa kwa umoja, uzalendo na kwa dhamiri ya kutumikia nchi yetu. Mmekuwa mfano wa uongozi makini unaoenzi misingi ya maadili, mshikamano na uwajibikaji,” alisema Jessica Mshama.

Aidha, alisisitiza kuwa UVCCM inaendelea kuthamini mawazo, mchango na mjadala mzito uliotolewa na vijana katika kikao hicho, akisema kuwa nguvu, nidhamu na ari ya viongozi hao imeendelea kuipa nguvu Idara ya Uhamasishaji na Chipukizi kusukuma mbele ajenda za maendeleo na ustawi wa vijana.

 “Nawakumbusha kuendelea kusimama imara, kutekeleza kwa ukamilifu maelekezo yote tuliyopokea, na kuendeleza hamasa za amani na maendeleo popote tulipo. Sisi ni viongozi wa fikra, viongozi wa maendeleo, na viongozi wa amani,” aliongeza.

Katika salamu zake, Jessica aliwapongeza pia viongozi wote wa Chama Cha Mapinduzi kwa usimamizi bora wa jumuiya, akitoa shukrani za pekee kwa Mgeni Rasmi wa kikao, Ndugu Kenani Kihongosi, kwa uwepo na mchango wake katika majadiliano.

Vilevile, alitoa pongezi maalumu kwa Mwenyekiti wa UVCCM Tanzania  Ndugu Comrade Kawaida(MCC) kwa uongozi wake imara na mwanga kwa vijana wanaoendeleza kazi za CCM na serikali.

Katika kumalizia, Katibu huyo aliomba vijana waendelee kulinda misingi ya amani, ustaarabu na maendeleo ya taifa, akisisitiza kuwa UVCCM itaendelea kuwa jumuiya  imara  katila kulinda maslahi ya vijana na mustakabali wa Tanzania.

“MUNGU IBARIKI AFRIKA, MUNGU IBARIKI TANZANIA,” alihitimisha.
Rudi kwa Habari

Habari Zinazohusiana

Ujumbe wa Katibu Mkuu wa Umoja wa Mataifa kwa Rais wa Tanzania
Ujumbe wa Katibu Mkuu wa Umoja wa Mataifa kwa Rais wa Tanzania

14 Dec, 2025

Dar es Salaam | 14 Disemba 2025 Katibu Mkuu wa Umoja wa Mataifa (UN), Mheshimiwa Antonio Guterres, ameipongeza Tanzania kwa kuendelea kuwa kielelezo cha amani, mshikamano wa kijamii na utulivu wa kisiasa barani Afrika na duniani, licha ya changamoto zilizojitokeza wakati wa uchaguzi mkuu wa Oktoba 29, 2025.

Soma Zaidi
Tanzania na Marekani Zimefikisha Hatua za Mwisho za Kufanikisha Makubaliano Makubwa ya Uwekezaji
Tanzania na Marekani Zimefikisha Hatua za Mwisho za Kufanikisha Makubaliano Makubwa ya Uwekezaji

08 Dec, 2025

Dodoma, Tanzania – Tanzania na Marekani ziko katika hatua za mwisho za kufanikisha makubaliano makubwa ya uwekezaji yanayolenga kuimarisha ushirikiano wa kidiplomasia, kiuchumi na kiusalama kati ya mataifa haya mawili. Hii ni hatua inayothibitisha dhamira ya pande zote mbili katika kujenga ushirikiano wa kisasa, unaolenga ustawi wa pamoja.

Soma Zaidi
TAARIFA KUTOKA KWA MHESHIMIWA RAIS DKT. SAMIA SULUHU HASSAN
TAARIFA KUTOKA KWA MHESHIMIWA RAIS DKT. SAMIA SULUHU HASSAN

08 Dec, 2025

Katika kuelekea Maadhimisho ya Siku ya Uhuru Kesho, Mheshimiwa Rais Dkt. Samia Suluhu Hassan, kupitia Waziri Mkuu leo, ametoa agizo maalum kwa wananchi wote wa Tanzania.

Soma Zaidi