Tanzania na Marekani Zimefikisha Hatua za Mwisho za Kufanikisha Makubaliano Makubwa ya Uwekezaji

Dodoma, Tanzania – Tanzania na Marekani ziko katika hatua za mwisho za kufanikisha makubaliano makubwa ya uwekezaji, hatua inayothibitisha uhusiano thabiti na wa muda mrefu kati ya mataifa haya mawili. Mazungumzo hayo yamefanyika leo Ikulu ya Chamwino, na yamejikita katika kukuza ushirikiano wa kiuchumi, kisiasa, kiusalama na kijamii, ambao unaleta faida kubwa kwa taifa na kuendeleza fursa kwa vijana wa Tanzania.

Kaimu Balozi wa Marekani nchini Tanzania, Andrew Lentz, alisisitiza kuwa Marekani inakusudia kurejesha uhusiano wake na Tanzania kwa misingi ya ushirikiano wa pamoja na ustawi wa taifa, badala ya utegemezi wa misaada.

“Marekani imejikita katika ushirikiano unaolenga ustawi wa pamoja badala ya utegemezi wa misaada,” alisema Balozi Lentz.

Rais Dkt. Samia Suluhu Hassan alikaribisha jitihada hizi na kusema kuwa Tanzania inaendelea kukamilisha taratibu zote muhimu ili miradi hiyo ibadilike kuwa fursa halisi za maendeleo.

“Tanzania ni nchi isiyoegemea upande wowote, na iko tayari kushirikiana na wote wanaoheshimu mamlaka yetu na wanaoshirikiana nasi katika dira ya ustawi wa taifa. Miradi hii ni muhimu kwa uchumi, ajira na ustawi wa kudumu kwa wananchi, hususan vijana wetu,” alisema Rais Samia.

Miradi mikubwa inayohusiana na Marekani, ikiwemo LNG, Tembo Nickel na Mahenge Graphite, ina faida kubwa kwa Tanzania:

2.Ajira kwa vijana: Miradi hii italeta maelfu ya nafasi za kazi, kuanzia viwanda, madini, nishati safi, teknolojia, hadi usimamizi wa miradi.

3.Uwekezaji wa moja kwa moja: Zaidi ya makampuni 400 ya Marekani tayari yanafanya kazi Tanzania, jambo linaloongeza mtaji, utaalamu na fursa za biashara kwa vijana.

4.Maendeleo ya teknolojia na sekta binafsi: Mradi wa Tembo Nickel na Mahenge Graphite unaleta fursa ya kuanzisha viwanda vya betri za magari ya umeme na sekta za nishati mbadala, hivyo kuwapatia vijana nafasi za kitaalamu na ujasiriamali.

Mbali na miradi ya uwekezaji, mazungumzo yaligusia:Utulivu wa kisiasa na kiusalama kikanda,Mageuzi ya kiuchumi, Ukuaji wa sekta binafsi,Ushirikiano katika sekta ya afya, na

6.Mahusiano ya watu kwa watu.

Hitimisho, 

Makubaliano haya yanathibitisha kuwa Tanzania na Marekani zimejikita katika ushirikiano thabiti na wa muda mrefu, unaojenga taifa imara, kuendeleza uchumi, na kutoa fursa halisi kwa vijana. Kwa kuzingatia miradi hii, vijana wa Tanzania watapata: