HONGERENI SANA WAKIMBIZA MWENGE WA UHURU KITAIFA 2025

Tunawapongeza Ndugu Ahmada Hamisi Ahmada, Ndugu Zainabu Suleiman Mbwana, Ndugu Azizi Juma Aboubakar, Ndugu Elizabeth Petro Makingi  na Ndugu Comrade Ismail Ali Ussi ambaye ndiye Kiongozi wa Mbio za Mwenge wa Uhuru Kitaifa 2025. Hongereni sana kwa kuhitimisha kwa mafanikio makubwa mbio za mwaka huu zilizofanyika Mkoani Mbeya, tarehe 14 Oktoba 2025, baada ya safari ndefu na yenye mafanikio mliyoianza Kibaha, Mkoa wa Pwani, tarehe 02 Aprili 2025.

Kwa siku 195  sawa na miezi sita na nusu mmezunguka mikoa yote 31 ya Jamhuri ya Muungano wa Tanzania, mkihamasisha wananchi kushiriki katika shughuli za maendeleo, mkisisitiza amani, umoja, upendo na mshikamano kama msingi wa taifa lenye ustawi. Mmekuwa vijana bora wa mfano kwetu, uongozi bora, nidhamu na moyo wa kizalendo kwa taifa letu.

Tukikumbuka historia, Mwenge wa Uhuru ni alama ya matumaini iliyoanzishwa na Baba wa Taifa, Mwalimu Julius Kambarage Nyerere, kwa nia ya:  “Kuletea matumaini pale pasipo na matumaini, upendo pale penye chuki na heshima pale palipojaa dharau.”

Kwa namna ya kipekee, UVCCM tunampongeza Kiongozi wa Mbio za Mwenge wa Uhuru Kitaifa, Ndugu Comrade Ismail Ali Ussi, kwa uongozi wake makini, nidhamu na uthubutu uliowezesha timu kufanikisha mbio hizi kwa mafanikio makubwa na kuendeleza heshima ya taifa letu na heshima ya sisi vijana.

Hongereni sana wakimbiza Mwenge wa Uhuru Kitaifa 2025 mmeandika  historia ya ushujaa, uzalendo na umoja wa Watanzania.

Kauli mbiu:“Jitokeze Kushiriki Uchaguzi Mkuu 2025 kwa Amani na Utulivu.”

#KazinaUtuTunasongaMbele 

#OktobatunatikiFyuchaBilaStresi 

#TokaNitokeTukatiki