Habari Nyingine

KATIBU UVCCM TABORA MJINI AANZA RASMI ZIARA YA KITENDAJI KATA ZA IKOMWA NA KAKOLA

26 Mar, 2026 00:00 Admin User 14 views 0 comments

Katibu wa Umoja wa Vijana wa CCM (UVCCM) Wilaya ya Tabora Mjini, Cde. Muzamir Kambuga, tarehe 25 Machi 2026 ameanza rasmi ziara ya kitendaji katika Kata za Ikomwa na Kakola, ikiwa ni sehemu ya juhudi za kuimarisha uhai wa Jumuiya na kuongeza ufanisi wa shughuli za vijana.

Ziara hiyo inalenga kuhuisha na kukagua uhai wa UVCCM katika ngazi za kata na matawi, kusikiliza na kutatua changamoto za vijana, pamoja na kuhamasisha uanzishwaji wa miradi ya kiuchumi ya Jumuiya. Aidha, Katibu Kambuga amesisitiza umuhimu wa usajili wa wanachama wapya kupitia mfumo rasmi, pamoja na kuhimiza utekelezaji wa vikao vya kikanuni kwa kuzingatia kalenda ya chama na Jumuiya zake.

Katika ziara hiyo, ameelekeza pia namna bora ya uandaaji na uandishi wa mihutasari ya vikao, kuhamasisha vijana kujiunga katika vikundi vya ujasiriamali, na kuchangamkia mikopo ya asilimia 10 inayotolewa na Serikali kupitia halmashauri kwa ajili ya vijana. Sambamba na hilo, amesisitiza umuhimu wa kila kaya kujiunga na bima ya afya, hususan mpango wa shilingi 150,000 kwa watu sita, ili kuboresha ustawi wa afya ya jamii.

Katibu Kambuga ameambatana na Katibu wa Uhamasishaji na Chipukizi UVCCM Wilaya ya Tabora Mjini, Cde. Juma Tandala, katika kuhakikisha ziara hiyo inatekelezwa kwa ufanisi na inaleta matokeo chanya kwa vijana na Jumuiya kwa ujumla.

Taarifa hii imetolewa na Katibu wa Uhamasishaji na Chipukizi UVCCM Wilaya ya Tabora Mjini.

Admin User

Mwandishi wa UVCCM - Anatoa taarifa za kusisimua kuhusu shughuli za vijana na maendeleo ya taifa.

KATIBU UVCCM TABORA MJINI AANZA RASMI ZIARA YA KITENDAJI KATA ZA IKOMWA NA KAKOLA

Admin User

Habari Zinazohusiana

ZIARA YA KITENDAJI KATIBU UVCCM (W) KIBAHA MJINI – VIJANA TUONGEE FURSA

ZIARA YA KIUTENDAJI UVCCM (W) TANGA YAANZA KWA KASI KATA YA KIOMONI

DAY TWO: ZIARA YA KITENDAJI YAENDELEA KATA ZA MBWENI NA WAZO

ZIARA UVCCM WILAYA YA BABATI MJINI 2026