Habari Nyingine

KATIBU UVCCM SUMBAWANGA MJINI AFANYA ZIARA YA KIUTENDAJI KUIMARISHA UMOJA WA VIJANA

23 Mar, 2026 00:00 Admin User 42 views 0 comments

Katibu wa Umoja wa Vijana wa Chama Cha Mapinduzi (UVCCM) Wilaya ya Sumbawanga mjini amefanya ziara ya kiutendaji katika kata na matawi mbalimbali kwa lengo la kuimarisha uhai wa jumuiya hiyo pamoja na kuongeza ufanisi wa shughuli za vijana ndani ya chama.

Katika ziara hiyo, kiongozi huyo amesisitiza umuhimu wa kuimarisha uhai wa UVCCM kuanzia ngazi ya matawi hadi kata, akibainisha kuwa uimara wa chama unategemea misingi imara ya vijana walioandaliwa na kushirikishwa kikamilifu katika shughuli za kisiasa na maendeleo.

Aidha, amehimiza viongozi na wanachama kuhamasisha uingizaji wa wanachama wapya kupitia mfumo wa kielektroniki, hatua ambayo inalenga kurahisisha usajili na kuongeza idadi ya vijana wanaojiunga na jumuiya hiyo kwa wakati.

Katika hatua nyingine, Katibu huyo amekagua utekelezaji wa vikao vya kikanuni katika ngazi ya kata na matawi, akitoa maelekezo ya kuhakikisha vikao hivyo vinafanyika kwa wakati na kwa kuzingatia taratibu za chama ili kuleta uwajibikaji na ufanisi.

Sambamba na hilo, amepata fursa ya kusikiliza kero na changamoto zinazowakabili vijana katika maeneo mbalimbali, ambapo ameahidi kuzifikisha katika mamlaka husika na kushirikiana na wadau kutafuta ufumbuzi wa kudumu.

Ziara hiyo pia imehusisha ukaguzi wa miradi inayotekelezwa na vijana pamoja na tathmini ya hamasa katika kila tawi, ambapo amewapongeza vijana katika maeneo yenye jitihada nzuri na kuwataka kuongeza bidii ili kufikia malengo ya chama na taifa kwa ujumla.

Ziara hiyo inaendelea katika maeneo mengine ya wilaya hiyo kwa lengo la kuhakikisha kila tawi linakuwa hai na linashiriki kikamilifu katika shughuli za maendeleo na kisiasa.

Imetolewa na katibu hamasa na chipukizi (w) sumbawanga mjini

https://www.instagram.com/p/DWMhc_OCI2y/?igsh=dGxyNDY4ejdjY2k5

Admin User

Mwandishi wa UVCCM - Anatoa taarifa za kusisimua kuhusu shughuli za vijana na maendeleo ya taifa.

KATIBU UVCCM SUMBAWANGA MJINI AFANYA ZIARA YA KIUTENDAJI KUIMARISHA UMOJA WA VIJANA

Admin User

Habari Zinazohusiana

ZIARA YA KITENDAJI KATIBU UVCCM (W) KIBAHA MJINI – VIJANA TUONGEE FURSA

ZIARA YA KIUTENDAJI UVCCM (W) TANGA YAANZA KWA KASI KATA YA KIOMONI

KATIBU UVCCM TABORA MJINI AANZA RASMI ZIARA YA KITENDAJI KATA ZA IKOMWA NA KAKOLA

DAY TWO: ZIARA YA KITENDAJI YAENDELEA KATA ZA MBWENI NA WAZO