UVCCM
Tafadhali subiri...
+255 655248822 info@uvccm.or.tz
Makao Makuu, Dodoma
UMOJA WA VIJANA WA CCM (UVCCM)

DIWANI LUTFIA AONGOZA WANANCHI KUFANYA USAFI WA MAZINGIRA

25 Jan, 2026 40 Machapisho
DIWANI LUTFIA AONGOZA WANANCHI KUFANYA USAFI WA MAZINGIRA
Mjumbe wa Baraza Kuu la Umoja wa Vijana wa Chama Cha Mapinduzi (UVCCM) Taifa kutoka Mkoa wa Mjini Unguja, ambaye pia ni Diwani wa Wadi ya Kwahani, Ndugu Lutfia Juma Idd, ameongoza wakazi wa wadi hiyo kushiriki zoezi la usafi wa mazingira lililofanyika katika maeneo mbalimbali ya wadi hiyo.
Zoezi hilo lililoshirikisha wananchi wa makundi tofauti limejikita katika kusafisha mitaa, maeneo ya wazi na mazingira yanayozunguka makazi ya wananchi, likiwa na lengo la kuimarisha afya ya jamii, kuzuia magonjwa ya mlipuko na kuendeleza utamaduni wa uwajibikaji wa pamoja katika kulinda mazingira.

Kwa upande wake, Umoja wa Vijana wa CCM chini ya Mwenyekiti wake, Ndugu Mohammed Ali Kawaida (MCC), umeendelea kudhihirisha dhamira ya dhati ya kushiriki moja kwa moja katika shughuli za kijamii zenye kugusa maisha ya wananchi, ikiwemo usafi wa mazingira, uhamasishaji wa uzalendo na kuchochea maendeleo endelevu katika jamii.
UVCCM imeendelea kuwa chachu ya mshikamano wa vijana na wananchi kwa ujumla.
#kazinaututunasongambele
#fyuchabilastresi
Rudi kwa Habari

Habari Zinazohusiana

UVCCM WILAYA YA KAKONKO WAFANYA MAADHIMISHO YA MIAKA 49 YA KUZALIWA KWA CCM
UVCCM WILAYA YA KAKONKO WAFANYA MAADHIMISHO YA MIAKA 49 YA KUZALIWA KWA CCM

01 Feb, 2026

Umoja wa Vijana wa Chama Cha Mapinduzi (UVCCM) Wilaya ya Kakonko umefanya maadhimisho ya kipekee kuelekea miaka 49 ya kuzaliwa kwa CCM, yatakayofanyika rasmi tarehe 5 Februari 2026. Maadhimisho haya yamejumuisha shughuli mbalimbali za kijamii zenye lengo la kuunga mkono maendeleo ya wananchi na taifa kwa ujumla.

Soma Zaidi
ABUYA AWEKA MSISITIZO KWA VIJANA WA CCM KUKITETEA CHAMA NA VIONGOZI WAKE
ABUYA AWEKA MSISITIZO KWA VIJANA WA CCM KUKITETEA CHAMA NA VIONGOZI WAKE

31 Jan, 2026

Mwenyekiti wa Umoja wa Vijana wa Chama Cha Mapinduzi (UVCCM) Mkoa wa Kigoma, Ndugu Emanuel Abuya, amewataka vijana wa CCM kuendelea kuwa mstari wa mbele katika kutetea, kulinda na kudumisha misingi, sera na uongozi wa Chama Cha Mapinduzi, akisisitiza kuwa hilo ni jukumu la msingi na la kihistoria kwa jumuiya ya vijana.

Soma Zaidi
UVCCM Ngome waadhimisha Kuzaliwa CCM kwa Vitendo, wasafisha Soko la Ngome Iringa
UVCCM Ngome waadhimisha Kuzaliwa CCM kwa Vitendo, wasafisha Soko la Ngome Iringa

31 Jan, 2026

Vijana wa Umoja wa Vijana wa Chama Cha Mapinduzi (UVCCM) Tawi la Ngome, Kata ya Kihesa, Wilaya ya Iringa Mjini mkoani Iringa, wamefanya shughuli ya usafi wa mazingira katika Soko la Ngome kama sehemu ya maandalizi ya maadhimisho ya siku ya kuzaliwa ya Chama Cha Mapinduzi (CCM).

Soma Zaidi