UVCCM
Tafadhali subiri...
+255 655248822 info@uvccm.or.tz
Makao Makuu, Dodoma
UMOJA WA VIJANA WA CCM (UVCCM)

VIJANA: TUPO TAYARI KUZIPOKEA FURSA ALIZOTUANDAA DKT. SAMIA” – VIJANA DODOMA

24 Jan, 2026 20 Machapisho
VIJANA: TUPO TAYARI KUZIPOKEA FURSA ALIZOTUANDAA DKT. SAMIA” – VIJANA DODOMA
Dodoma. Maelfu ya wanafunzi kutoka vyuo vya kati na vyuo vikuu wamejitokeza kwa wingi leo tarehe 24 Januari, 2026 katika Ukumbi wa Mikutano wa Jakaya Kikwete, jijini Dodoma, kushiriki Kongamano la UNI-Summit Life In & After Campus, linalolenga kuwajengea vijana uelewa wa kina kuhusu fursa mbalimbali zilizopo Serikalini na katika sekta binafsi.
Kongamano hilo limekusudia kuwaandaa vijana tangu wakiwa vyuoni na hata baada ya kuhitimu masomo yao, kwa kuwapatia elimu ya vitendo kuhusu ajira, ujasiriamali, ununuzi wa umma, ubunifu, TEHAMA na sera mbalimbali zinazolenga kumkwamua kijana kiuchumi na kijamii.

TUPO TAYARI KUZIPOKEA FURSA ALIZOTUANDAA DKT. SAMIA” – VIJANA DODOMA
Hamasa ya vijana hao ni dhahiri kwamba “wapo tayari kuzipokea na kuzitumia ipasavyo fursa alizowaandalia Rais wa Jamhuri ya Muungano wa Tanzania, Dkt. Samia Suluhu Hassan”, hususani katika awamu ya Sita inayosisitiza kazi na utu pamoja na maendeleo jumuishi 
Kupitia mijadala na mada mbalimbali, vijana wamepata nafasi ya kuelewa sera, mikakati na programu za Serikali pamoja na taasisi binafsi zinazolenga kuwawezesha kujiajiri, kuajiriwa na kushiriki kikamilifu katika uchumi wa taifa.

Kongamano la UNI-Summit Life In & After Campus limeandaliwa na Seneti ya UVCCM Mkoa wa Dodoma, likiwa ni sehemu ya mkakati wa kuandaa vijana kuwa wazalendo, wabunifu na washiriki hai wa maendeleo ya taifa.
Mgeni rasmi katika kongamano hilo ni Mwenyekiti wa UVCCM Taifa na Mjumbe wa Kamati Kuu ya CCM, Ndugu Mohammed Ali Kawaida, ambaye anatarajiwa kutoa mwelekeo na msukumo kwa vijana juu ya matumizi sahihi ya fursa zinazotolewa na Serikali.
Kongamano hilo ni jukwaa muhimu la kuunganisha elimu, sera na vitendo, likiwaandaa vijana kwa maisha ya chuo na baada ya chuo katika kujenga Tanzania yenye maendeleo jumuishi.
#KaziNaUtuTunaSongaMbele
#UniSummitLifeInAndAfterCampus
Rudi kwa Habari

Habari Zinazohusiana

UVCCM WILAYA YA KAKONKO WAFANYA MAADHIMISHO YA MIAKA 49 YA KUZALIWA KWA CCM
UVCCM WILAYA YA KAKONKO WAFANYA MAADHIMISHO YA MIAKA 49 YA KUZALIWA KWA CCM

01 Feb, 2026

Umoja wa Vijana wa Chama Cha Mapinduzi (UVCCM) Wilaya ya Kakonko umefanya maadhimisho ya kipekee kuelekea miaka 49 ya kuzaliwa kwa CCM, yatakayofanyika rasmi tarehe 5 Februari 2026. Maadhimisho haya yamejumuisha shughuli mbalimbali za kijamii zenye lengo la kuunga mkono maendeleo ya wananchi na taifa kwa ujumla.

Soma Zaidi
UVCCM Ngome waadhimisha Kuzaliwa CCM kwa Vitendo, wasafisha Soko la Ngome Iringa
UVCCM Ngome waadhimisha Kuzaliwa CCM kwa Vitendo, wasafisha Soko la Ngome Iringa

31 Jan, 2026

Vijana wa Umoja wa Vijana wa Chama Cha Mapinduzi (UVCCM) Tawi la Ngome, Kata ya Kihesa, Wilaya ya Iringa Mjini mkoani Iringa, wamefanya shughuli ya usafi wa mazingira katika Soko la Ngome kama sehemu ya maandalizi ya maadhimisho ya siku ya kuzaliwa ya Chama Cha Mapinduzi (CCM).

Soma Zaidi
ABUYA AWEKA MSISITIZO KWA VIJANA WA CCM KUKITETEA CHAMA NA VIONGOZI WAKE
ABUYA AWEKA MSISITIZO KWA VIJANA WA CCM KUKITETEA CHAMA NA VIONGOZI WAKE

31 Jan, 2026

Mwenyekiti wa Umoja wa Vijana wa Chama Cha Mapinduzi (UVCCM) Mkoa wa Kigoma, Ndugu Emanuel Abuya, amewataka vijana wa CCM kuendelea kuwa mstari wa mbele katika kutetea, kulinda na kudumisha misingi, sera na uongozi wa Chama Cha Mapinduzi, akisisitiza kuwa hilo ni jukumu la msingi na la kihistoria kwa jumuiya ya vijana.

Soma Zaidi