UVCCM
Tafadhali subiri...
+255 655248822 info@uvccm.or.tz
Makao Makuu, Dodoma
UMOJA WA VIJANA WA CCM (UVCCM)

Shina la Makunduchi Ladhihirisha kwa Vitendo Kuwa Maendeleo Hayana Itikadi – Dkt. Migiro

20 Jan, 2026 21 Machapisho
Shina la Makunduchi Ladhihirisha kwa Vitendo Kuwa Maendeleo Hayana Itikadi – Dkt. Migiro
Katibu Mkuu wa Chama Cha Mapinduzi (CCM), Dkt. Asha Rose Migiro, amezindua Shina la Wakereketwa wa CCM Makunduchi lililopo Mtaa wa Uhuru, Wilaya ya Dodoma Mjini, na kulipongeza shina hilo kwa kuwa mfano wa kuigwa katika kuendeleza shughuli za kiuchumi zinazolenga kuinua kipato cha wanajamii bila kujali misimamo ya kisiasa.
Akizungumza na wajumbe wa shina hilo Januari 20, 2026, kabla ya kukutana na Mabalozi wa Mashina wa Mkoa wa Dodoma, Dkt. Migiro alisema kuwa hatua iliyochukuliwa na shina hilo inaonesha mshikamano, umoja na uthibitisho wa vitendo kwamba maendeleo ya kiuchumi hayafungwi na itikadi za kisiasa.
“Shina hili niwapongeze sana Mmetuthibitishia kuwa shughuli za kiuchumi hazina itikadi. Kupitia ushirikiano huu, mnawavuta na kuwaunganisha Watanzania na wanajamii wenzetu bila kujali itikadi zao, kwa sababu maendeleo ya nchi hayana itikadi, umoja wa nchi hauna itikadi na uimara wa Taifa letu pia hauna itikadi,” amesema Dkt. Migiro.
Ameongeza kuwa ni wajibu wa Chama na viongozi wake kushirikiana na jamii nzima, ikizingatiwa kuwa wananchi waliokipigia kura Chama Cha Mapinduzi wanatoka katika makundi tofauti ya kijamii na kisiasa.
“Kura tulizopigiwa zimepigwa na wana CCM na wasiokuwa wana CCM. Rais wetu ambaye pia ni Mwenyekiti wa Chama ni Rais wa Watanzania wote, hivyo nasi lazima tuwe watumishi wa wananchi wote,” ameongeza.
Katika hotuba yake, Dkt. Migiro amewataka wanachama wa Shina la Makunduchi kuendelea kuwa kielelezo cha jamii kwa kupiga hatua za mbele kimaendeleo, mshikamano na uzalendo, sambamba na kuchangia katika ujenzi wa Taifa lenye umoja na maendeleo endelevu.
Rudi kwa Habari

Habari Zinazohusiana

UVCCM WILAYA YA KAKONKO WAFANYA MAADHIMISHO YA MIAKA 49 YA KUZALIWA KWA CCM
UVCCM WILAYA YA KAKONKO WAFANYA MAADHIMISHO YA MIAKA 49 YA KUZALIWA KWA CCM

01 Feb, 2026

Umoja wa Vijana wa Chama Cha Mapinduzi (UVCCM) Wilaya ya Kakonko umefanya maadhimisho ya kipekee kuelekea miaka 49 ya kuzaliwa kwa CCM, yatakayofanyika rasmi tarehe 5 Februari 2026. Maadhimisho haya yamejumuisha shughuli mbalimbali za kijamii zenye lengo la kuunga mkono maendeleo ya wananchi na taifa kwa ujumla.

Soma Zaidi
UVCCM Mufindi yaadhimisha Miaka 49 ya CCM kwa Baraza maalum, yasifu Mchango wa Vijana katika kutafuta ushindi kwa CCM
UVCCM Mufindi yaadhimisha Miaka 49 ya CCM kwa Baraza maalum, yasifu Mchango wa Vijana katika kutafuta ushindi kwa CCM

31 Jan, 2026

Katika kuelekea maadhimisho ya miaka 49 ya kuzaliwa kwa Chama Cha Mapinduzi (CCM), Umoja wa Vijana wa CCM (UVCCM) Wilaya ya Mufindi umeanza maadhimisho hayo kwa kufanya baraza maalum lenye lengo la kuwapongeza na kuwashukuru vijana wa chama kwa mchango wao mkubwa katika kazi ya kutafuta kura wakati wa Uchaguzi Mkuu uliofanyika Oktoba mwaka jana.

Soma Zaidi
UVCCM Ngome waadhimisha Kuzaliwa CCM kwa Vitendo, wasafisha Soko la Ngome Iringa
UVCCM Ngome waadhimisha Kuzaliwa CCM kwa Vitendo, wasafisha Soko la Ngome Iringa

31 Jan, 2026

Vijana wa Umoja wa Vijana wa Chama Cha Mapinduzi (UVCCM) Tawi la Ngome, Kata ya Kihesa, Wilaya ya Iringa Mjini mkoani Iringa, wamefanya shughuli ya usafi wa mazingira katika Soko la Ngome kama sehemu ya maandalizi ya maadhimisho ya siku ya kuzaliwa ya Chama Cha Mapinduzi (CCM).

Soma Zaidi