UVCCM
Tafadhali subiri...
+255 655248822 info@uvccm.or.tz
Makao Makuu, Dodoma
UMOJA WA VIJANA WA CCM (UVCCM)

MWENYEKITI KAWAIDA AONGOZA MATEMBEZI YA KUADHIMISHA MIAKA 62 YA MAPINDUZI MATUKUFU YA ZANZIBAR, KUSINI PEMBA

09 Jan, 2026 59 Machapisho
MWENYEKITI KAWAIDA AONGOZA MATEMBEZI YA KUADHIMISHA MIAKA 62 YA MAPINDUZI MATUKUFU YA ZANZIBAR, KUSINI PEMBA
Na Mwandishi wetu, Kusini Pemba.

Mwenyekiti wa Umoja wa Vijana wa Chama Cha Mapinduzi (UVCCM) Taifa na Mjumbe wa Kamati Kuu ya Halmashauri Kuu ya CCM Taifa, Ndugu Mohammed Ali Kawaida (MCC), leo Ijumaa tarehe 09 Januari, 2026 ameongoza maelfu ya vijana katika Matembezi ya Amani ya kuadhimisha Miaka 62 ya Mapinduzi Matukufu ya Zanzibar, yaliyofanyika katika Mkoa wa Kusini Pemba.

Matembezi hayo ya kihistoria yalianzia Bandarini Mkoani, yakapitia maeneo ya Mtuhaliwa, Chanjamjawiri, na kuhitimishwa katika Gombani ya Kale, yakihusisha vijana kutoka makundi mbalimbali wakiwa wamevalia mavazi ya kizalendo ya Chama Cha Mapinduzi, wakiwa na mabango, bendera na nyimbo za kizalendo zilizoakisi historia, mshikamano na dhamira ya Mapinduzi ya Zanzibar.

Akiongoza matembezi hayo, Mwenyekiti Kawaida ameonesha kwa vitendo nafasi ya vijana katika kulinda, kutetea na kuenzi misingi ya Mapinduzi Matukufu ya Zanzibar—Mapinduzi yaliyoasisiwa Januari 12, 1964, yakileta usawa, haki ya kijamii, utu na mamlaka ya wananchi wa Zanzibar.

Baada ya kukamilika kwa matembezi hayo, Mwenyekiti Kawaida anatarajiwa kuzungumza na wanamatembezi, ambapo atatoa ujumbe maalum wa kuhitimisha matembezi hayo, ikiwa ni siku ya mwisho ya matembezi ya maadhimisho ya Miaka 62 ya Mapinduzi katika mikoa ya Pemba. Ujumbe huo unalenga kuwakumbusha vijana wajibu wao wa kihistoria katika kuilinda amani, mshikamano wa kitaifa, na kuendeleza kazi na utu kama msingi wa maendeleo ya Taifa.

Maadhimisho ya Miaka 62 ya Mapinduzi Matukufu ya Zanzibar yanaendelea kuwa chachu ya kuimarisha uzalendo, kuenzi mashujaa wa Mapinduzi, na kuimarisha mshikamano wa Watanzania, hususan vijana, katika kujenga Zanzibar na Tanzania yenye maendeleo, haki na usawa kwa wote.
Rudi kwa Habari

Habari Zinazohusiana

UVCCM WILAYA YA KAKONKO WAFANYA MAADHIMISHO YA MIAKA 49 YA KUZALIWA KWA CCM
UVCCM WILAYA YA KAKONKO WAFANYA MAADHIMISHO YA MIAKA 49 YA KUZALIWA KWA CCM

01 Feb, 2026

Umoja wa Vijana wa Chama Cha Mapinduzi (UVCCM) Wilaya ya Kakonko umefanya maadhimisho ya kipekee kuelekea miaka 49 ya kuzaliwa kwa CCM, yatakayofanyika rasmi tarehe 5 Februari 2026. Maadhimisho haya yamejumuisha shughuli mbalimbali za kijamii zenye lengo la kuunga mkono maendeleo ya wananchi na taifa kwa ujumla.

Soma Zaidi
UVCCM Mufindi yaadhimisha Miaka 49 ya CCM kwa Baraza maalum, yasifu Mchango wa Vijana katika kutafuta ushindi kwa CCM
UVCCM Mufindi yaadhimisha Miaka 49 ya CCM kwa Baraza maalum, yasifu Mchango wa Vijana katika kutafuta ushindi kwa CCM

31 Jan, 2026

Katika kuelekea maadhimisho ya miaka 49 ya kuzaliwa kwa Chama Cha Mapinduzi (CCM), Umoja wa Vijana wa CCM (UVCCM) Wilaya ya Mufindi umeanza maadhimisho hayo kwa kufanya baraza maalum lenye lengo la kuwapongeza na kuwashukuru vijana wa chama kwa mchango wao mkubwa katika kazi ya kutafuta kura wakati wa Uchaguzi Mkuu uliofanyika Oktoba mwaka jana.

Soma Zaidi
UVCCM Ngome waadhimisha Kuzaliwa CCM kwa Vitendo, wasafisha Soko la Ngome Iringa
UVCCM Ngome waadhimisha Kuzaliwa CCM kwa Vitendo, wasafisha Soko la Ngome Iringa

31 Jan, 2026

Vijana wa Umoja wa Vijana wa Chama Cha Mapinduzi (UVCCM) Tawi la Ngome, Kata ya Kihesa, Wilaya ya Iringa Mjini mkoani Iringa, wamefanya shughuli ya usafi wa mazingira katika Soko la Ngome kama sehemu ya maandalizi ya maadhimisho ya siku ya kuzaliwa ya Chama Cha Mapinduzi (CCM).

Soma Zaidi